Rusiye ordusı gece Ukrayinağa 40 Shahed, Gerber ve diger darbe uçucısızlarınen ücüm etti, dep bildirdi sentâbrniñ 12-nde saba Ukrayina Silâlı quvetleriniñ Ava küçleriniñ komandanlığı.
Arbiylerniñ malümatına köre, uçucısızlar Kursk, Millerovo ve Primorsk-Ahtarsktan uçurıla, 20-den ziyadesi – «Şahedler».
«İlk malümatqa köre, saat 09.00-ğa qadar ava mudafaası memleketniñ şimali, şarqı ve merkezinde duşmannıñ 33 Shahed, Gerber ve diger uçucısızlarını urıp tüşürdi», – dep aytıla.
Ukrayina komandanlığı üç yerde altı darbe uçucısızınıñ ücümini qayd etti. Rusiye tarafı bu ücümni şimdilik izaatlamadı.
Rusiye arbiyleri Ukrayina regionlarına çeşit silâlardan muntazam sürette ücüm ete.
Rusiye yolbaşçılığı, Rusiye ordusınıñ büyük cenk vaqtında Ukrayina şeerleri ve köyleriniñ grajdan infraterkibine maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.