Saatnıñ esas haberi

Ukrayina Silâlı quvetleri Ava küçleri: Rusiye Ukrayinağa ballistika, 84 qanatlı raketa ve 404 uçucısıznen ücüm etti, bir qısmı Qırımdan edi

İnsanlar Rusiye darbesi vaqtında metroda saqlana, 2026 senesi noyabrniñ 20-si
İnsanlar Rusiye darbesi vaqtında metroda saqlana, 2026 senesi noyabrniñ 20-si

Rusiye ordusı Ukrayinağa uçucısız ve çeşit raketalar qullanıp kütleviy darbe endirdi, dep haber ete Ukrayina Silâlı quvetleriniñ Ava küçleri noyabrniñ 20-nde saba.

Arbiylerniñ malümatına köre, Rusiyeniñ uçurğanları:

  • Rostov, Brânsk ve Kursk vilâyetinden "İskander-M"/S-400 ballistik raketaları ve "Tsirkon" raketaları, sayısı belli degil.
  • Rusiyeniñ Vologod vilâyetinden ve Qara deñizden H-101, "Kalibr", "İskander-K" 84 qanatlı ava ve deñiz raketası.
  • Orel, Kursk, Millerovo, Primorsko-Ahtarsk, işğal etilgen Donetsk, Qırımnıñ Sarabuz qasabsı ve Çavda burnundan 404 darbe uçucısızı – "Şahedler", 123-ü reaktiv, "Gerber" ve taqlitçiler.

Komandanlıq, ilk malümatqa köre, ava mudafaa quvetleri 372 nişannı, hususan üç "İskander-M"/S-400/"Tsirkon" ballistik raketası, 79 X-101 qanatlı raketası ve "Kalibr", 380 Rusiye dronını zararsız alğa ketirdi, dep esabat berdi.

"Duşmannıñ raketa ve darbe uçucısızı 23 yerde qayd etildi, 10 yerde tüşürilgen nişan (parçaları) qayd etildi", – dep aytıla haberde.

Ava küçleri tenbilegenine köre, ava boşluğında bir qaç Rusiye uçucısızı qala.

Yerli akimiyet Kyiv ve Lvivde elâk olğanlar ve yaralanğanlar aqqında bildire.

Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.

Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.

İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.

Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.

​
XS
SM
MD
LG