Ukrayina prezidenti Volodımır Zelenskıy bildirgenine köre, mayısnıñ 13-14-nde ücüm vaqtında Rusiye ordusı Ukrayinağa qarşı 1567 dron ve 56 çeşit raketanen ücüm etti.
"Dronlarnıñ 94%-ını urdıq. Tüşürilgen raketalarnıñ fayızı – 73%. Esas – ballistika ve biñlernen iç infrastruktura obyekti ve şeerlerimizni qoruvdır", – dep yazdı o, Telegramda.
Onıñ aytqanına köre, arbiy ve diger vekâletli şahıslarnen toplaşuvda semanı qorçalav quvetleri ve kerekli donatma, hususan radarlarnıñ arttırıluvı laf etildi.
Zelenskıy ava mudafaası içün raketa qıdırıluvında olğan vazifelernen bağlı Ukrayina diplomatlarınen subetni de ilân etti.
"Er kes ballistikağa qarşı sistema ve raketalarğa baqmalı. Bu birinci iş, semanı qoruv küçlerimiz yeterli qadar temin etilse, mayıs-iyün ayında Ukrayina diplomatiyasınıñ işine de qıymet kesilecek", – dep qoştı prezident.