Fevralniñ 27-ne keçer gecesi Rusiye arbiyleri Ukrayinağa Shahed, "Gerber", "İtalmas" ve diger uçucısızlar olğan 187 darbe dronınen Rusiyeniñ dört yönelişinden ve işğal etilgen Qırımdan ücüm etti, dep bildirdi Ukrayina Silâlı quvetleriniñ Ava küçleri.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında Shahed, Gerber, İtalmas ve diger uçucısızlar olğan 165 duşman uçucısızını urıp tüşürdi ya da bastırdı. 14 yerde 20 darbe uçucısızınıñ ücümi qayd etildi", – dep bildire Ukrayina arbiyleri, ücüm devam ete ve avada daa bir qaç dron bar, dep qoşa.
Rusiye arbiyleri ücümni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.