«Fevralniñ 15-ne keçer gecesi duşman Orel, Millerovo, Primorsko-Ahtarsk (Rusiye) ve Çauda (Qırım) yönelişlerinden Shahed tipli 70 ücüm uçucısızı ve çeşit türlü dron imitatorlarınen ücüm etti», – dep qayd etti arbiyler.
Rusiyeniñ ava ücümini Ukrayina ava quvetleri ve mudafaa küçleriniñ radio elektron cenk bölükleri ve mobil ateş gruppaları keri qaytarğanı aqqında haber etile.
«Saat 09:00-da 33 Shahed ücüm uçucısızı ve diger çeşit uçucısızlarınıñ urıp tüşürilgeni tasdıqlandı», – dep bildirdi arbiyler.
Bundan ğayrı, Ava quvetleriniñ malümatına köre, daa 37 Rusiye uçucısızı ğayıp oldı. Ava mudafaa sisteması Mıkolayıv, Harkiv, Poltava, Dnipropetrovsk, Zaporijjâ ve Donetsk vilâyetlerinde çalıştı.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
