Zelenskıy, «istilâcı devletni zayıflatmağa imkân olğanda» Rusiye Federatsiyası işğal etken topraqlar diplomatik yollarnen qaytarılacaq, dep eminliknen bildirdi.
Bir kün Aqyar, Mariupol ve Donetskte Ukrayina bayrağını körecegini tüşünemi sualine Zelenskıy emin olğanını bildirdi.
«E, men eminim… Rusiye zayıf olsa, olacaq da, şübhesiz, – o vaqıt qaytacaqlar. Vazifemiz daa erte qaytması. Ne qadar erte olsa, o qadar yahşı. Ve diplomatik yolnen», – dedi Zelenskıy.
Onıñ qayd etkenine köre, «insanlar er şeyden müim ve «insanlarnıñ ölmesi – pek ağır».
Zelenskıynıñ aytqanına köre, «memleketten evel Rusiye tarafını tutqan ve şimdi de onıñne bağlı olğan memleketler bile Qırım ve Ukrayina şarqınıñ ilhaqını qanunsız dep sayalar».
«Bu pek müim signal. Putin İran, Şimaliy Koreya kibi diger memleketlernen ne qadar qaviy bir ittifaq qursa da, Qıtaynen, bazı arap memleketlerinen ne qadar iqtisadiy birlik qurmasa da, Latin Amerikanıñ bazı vekillerinen siyasiy munasebetler qurmasa da – bular episi bazı devletler içün elverişli olsa, Putin olarğa şantaj, silâ, paranen tesir ete bile. Ve bu bunıñ esasında turğun munasebetler qurulmaycağını köstere – vaqtınca tesir ola bile», – dedi o.
Fevralniñ 4-nde derc etilgen Britaniya jurnalisti Pirs Morganğa bergen intervyüsında Ukrayina prezidenti Volodımır Zelenskıy «Ukrayina vatandaşlarına barışıq ketirecek başqa yol olmasa», Rusiye prezidenti Vladimir Putinnen barışıq muzakereleri içün oturmağa azır olğanını ayttı. Kreml Zelenskıynıñ Putinnen muzakere keçirmege azır olğanına dair laflarını «boş» dep adlandırdı.
Amerikanıñ Cenkni tedqiq etüv institutınıñ tahminlerine köre, Putin yanvarniñ 20-nde Kreml Rusiyeniñ Ukrayinağa qarşı cenki meselesinde ABDnen muzakere keçirmege azır, amma Ukrayinanıñ teslimi talaplarından vazgeçmeycegini tekrarlap ayttı.
ABD prezidenti Donald Trump Rusiye zenaatdaşı Vladimir Putinnen telefon vastasınen laf etip, Rusiyeniñ Ukrayina cenkini bitirüv meselesini muzakere etti, dep haber etti fevralniñ 8-nde keç vaqıtta New York Post. Bu subet ne vaqıt olğanını aytmadı. Beyaz Saray bunı haber etmedi ve Amerika prezidentiniñ sözlerini aydınlatmadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
