Yanvarniñ 26-nda Rusiye Ukrayinanı nevbettki kütleviy ateşke tuta, dep haber ete Ukrayina akimiyeti ve arbiyler.
Ava telükesi signalı ilân etilgen soñ Ukrayinanıñ bir çoq vilâyetinde patlav sesleri eşitildi, hususan Kıyivde de. Rusiye raketalarınıñ uçurtılması aqqında Mıkolayiv vilâyetiniñ yolbaşçısı Vitaliy Kim haber etti. Ukrayina przeideti ofisiniñ yolbaşçısı Andiry Yermak ava telükesi signalı körmemezlikke urmamaq çağırdı.
"Duşman Kıyiv tarafına 15-ten ziyade raketa attı. Ava mudafaası sistemasınıñ sayesinde bütün ava nişanları urıp tüşürildi! Amma ava telükesi signalı daa lâğu etilmedi. Sığınaqlarda qalıñız", - dep bildirdi Kıyiv şeeriniñ arbiy memuriyetiniñ yolbaşçısı Sergiy Popko.
Ukrayina Ava quvetleriniñ malümatına köre, episi olıp Rusiye 30-dan ziyade raketa atqan.
Yanvarniñ 14-nde Rusiye ordusı Ukrayınağa qarşı daa bir kütleviy raketa darbesini endirdi. Neticede Dniproda doquz qatlı evniñ bir qısmı viran etildi. Viraneler bir qaç kün devamında baqıldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
