Link açıqlığı

Rusiye Ukrainadaki vaziyetni muzakere etmege istemedi


Rusiye Ukrainadaki vaziyetni al etüv boyunca Jeneva añlaşmalarınıñ memleket-iştirakçileriniñ nevbetteki körüşüvinde iştirak etmekten vazgeçti.

Bunı Ukraina Tış işler nazirliginiñ matbuat kâtibi Yevğen Perebiynis Kiyevde keçirilgen brifingde bildirdi, dep haber ete «Ukrainskaya pravda».

Onıñ aytqanına köre, böyle bir körüşüv aprelniñ 25-ne planlaştırıldı.

«Bugün Jeneva añlaşmalarınıñ tarafları ve OSCE missiyasınıñ nevbetteki körüşüvi ötkerilmek kerek. Er bir memleket iştirak etecegini tasdıqladı, lâkin Rusiye Federatsiyasınıñ vekili iştirak etmeycegini bildirdi», – dep qayd etti Perebiynis.

Bundan evel peyda olğan malümatqa köre, Almaniya OSCE teşkilâtından Ukrainadaki buhrannı al etüv ve Jeneva añlaşmalarına riayet etüvni kefil etmek içün faal areketlerni talap ete.
XS
SM
MD
LG