Rusiye, em Ukraina, em de Moldova saylavlarına kirişe, dep bildirdi Ukraina prezidenti Petro Poroşenko dekabrniñ 28-nde Moldova-Ukraina sıñırındaki «Palanka – Mayaki-Udobnoye» kiriş noqtasınıñ açılış merasiminde.
Prezident, Ukraina ve Moldova içün umumiy olğan devlet sıñırlarını ve topraq bütünligini qorçalav meselelerine diqqat ayırdı. O, 2019 senesi Ukraina ve Moldovada olacaq saylavlar aqqında hatırlattı.
«Moldova Cumhuriyetiniñ printsipial parlament saylavları ve Ukrainada prezident ve parlament saylavları bar. Ve, ne yazıq ki, Rusiye saylav esnasına kirişmege başladı. Çapıp Rusiye ile teslimiyet şartlarında muzakerelerge azır olğan «beşinci kolonna» qullanıla. Qayd etem ki, biz, ukrainlerden, ziyade barışıq istegen yoq, amma barışıq halqara uquq ve Ukrainanıñ milliy menfaatları esasında olmalı, teslimiyet şartlarında degil. Rusiye, Ukraina ve Moldova reberliklerini aşalamaq içün zemaneviy informatsion tehnologiyalarnı qullanmağa tırışa», – dep ayta Poroşenko.
Onıñ fikirince, Ukraina ve Moldovanıñ doğru cevabı Avropa birligi integratsiyasına taba areket olacaq.
«Palanka – Mayaki-Udobnoye» kiriş noqtası Odesa vilâyetinde yerleşmekte. O, Avropa birliginiñ yardımı ile ğayrıdan quruldı.
