Link açıqlığı

Rusiye sanitar hızmeti memleketniñ territoriyasına bazı bir ukrain müessiselerniñ süt mahsulatlarınıñ ketirilmesini yasaq etti.

Rospotrebnadzor matbuat-hızmeti bergen malümatlarğa köre, mütenasip malümat VTO qaidelerge binayen Rusiye subyektleri boyunca Rospotrebnadzor Federal gümrük hızmeti ve idaresiniñ vekâletli organına yollanıldı.

6 ukrain şirketiniñ mahsulatı yasaq etildi.

«İstimalcı aqqlarınıñ teminlevi maqsadı ile Rospotrebnadzor Rusiye territoriyasına «Ros» şahsiy müessiseniñ, «Ahtırskiy sırkombinat» filialı, AO Pırâtinskiy sırkombinat", OOO «Gadâçsır», PAO «Zolotonoşskiy maslodelnıy kombinat» ve OOO «Tehmolprom»nıñ süt mahsulatınıñ ketirilmesini yasaq etti. Devlet nezareti neticesinde istimalcı aqqları boyunca qanunlarınıñ bozuluvı qayd etilgen edi, bu ise qalplıq delilidir.

Rospotrebnadzor beyanatına köre, ÇP «Ros», «Ahtırskiy sırkombinat» filialnıñ ve AO «Pirâtinskiy sırkombinat»nıñ penirleri yağ-mayalı tertibi ile «Süt ves süt mahsulatı içün tehnik talapları» aqqında federal qanunına ters kele eken.

«Pirâtinskiy sırkombinat» penirleri de aq, yağ ve dımnıñ kütleviy payı ile süt boyunca tehreglamentke uymay.

«PAO «Zolotonoşskiy maslodelnıy kombinat» ve OOO «Tehmolprom» mahsulatlarında ise federal qanunnıñ diger talaplarına uymağan şeyler tapıldı», – deyler Rospotrebnadzorda.

2012 senesi fevral ayında bazı ukrain müessiseleriniñ süt mahsulatınıñ ketirilmesi endi yasaq etilgen edi. Aprelde ise muzakerelerden soñ yasaq lâğu etildi.

Rusiyege «Roşen» ukrain korporatsiyasınıñ konditer mahsulatınıñ ketirilmesi de yasaqtır.
XS
SM
MD
LG