Ukrayina ordusı işğal etilgen Qırımda Rusiye radiolokatsion stantsiyalarına darbeler endirdi. Bu aqta Ukrayina Silâlı quvetleriniñ Baş ştabı haber ete.
Qayd etilgenine köre, Ukrayina Mudafaa quvetleri bir sıra obyektke ücüm etti. Ukrayina Silâlı quvetleriniñ malümatına köre, yanvarniñ 22-ne keçer gecesi aşağıdaki nişanlarğa darbe endirildi:
- RLS 55J6 "Nebo-U" (Kezlev);
- RLS 59N6-YE "Protivnik-GE" (Qıtay, Libknehtovka);
- RLS 55J6M "Nebo-M" (Kökey, Rusakovka).
Zarar miqdarı ögrenile.
Ukrayina Silâlı quvetleri "Tamanneftegaz" cermay terminalına da (Volna, Krasnodar ülkesi, Rusiye) darbe endirdi, o, Rusiye silâlı quvetlerini temin ete. Nişanğa ücüm qayd etildi – patlavlar ve yanğın çıqtı.
Rusiye Mudafaa nazirligi vaziyetni izaatlamadı. Qırım.Aqiqat cenk vaziyetinde bu malümatnı mustaqil menbalarda teşkerip olamay.
