Rusiye Mudafaa nazirligi yanvarniñ 11-ne keçer gecesi Rusiyeniñ Rostov, Tula ve Kaluga vilâyetinde dört uçucısıznıñ yoq etilüvi aqqında bildirdi.
Rusiye müessisesiniñ malümatına köre, dronlar «yoq etildi».
Regional Rusiye akimiyeti zararlar aqqında bildire. Kaluga şeeriniñ civarlarında uçucısız tulumba stantsiyasınıñ tehnik inşaatı üzeinde patladı, dep haber etti Kaluga vilâyetiniñ valisi Vladislav Şapşa. Bina patlavdan zarar kördi.
Voronej vilâyetinde ev zarar kördi, uçucısız ücümi aqqında vali Aleksandr Güsev haber etti. Onıñ aytqanına köre, uçucısız kimse yaşamağan binanıñ damını teşikledi. Başqa tafsilâtlar yoq.
Rostov vilâyetiniñ valisi Vasiliy Golubevniñ aytqanına köre, Kamenskiy rayonında eki dron urıp tüşürildi, «aqibetleri öğrenile». İç birinde yaralanğanlar aqqında aytılmay.
Muarririyet bu malümatnı mustaqil menbalardan tasdıqlap olamay. Moskva Kyivni qabaatlay. Ukrayına bu qabaatlavlarnı izaatlamay.
Bundan evel Rusiye Mudafaa nazirligi Saratov vilâyetinde uçaq çeşitli uçucısız tüşürildi, dep bildirdi.
Rusiyeniñ Ukrayınağa qarşı büyük istilâsınıñ ekinci yılında Rusiye regionları – em sıñırdaki, em Ukrayınadan uzaq regionlar – ateşlerge oğray, yaralanğanlar ve yıqılğan binalar yoq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
