Rusiye müessisesi 11 uçucısız urıp tüşürilgen, dep bildirdi – sekiz dron Belgorod vilâyetinde, eki dron Voronej vilâyetinde ve bir danesi Kursk vilâyetinde yoq etildi, dep bildirdi. Zararlar aqqında şimdilik belli degil. Bu malümatnı mustaqil menbalarda teşkermek muarririyetniñ elinde degil.
Rusiye Mudafaa nazirligi Ukrayına quvetlerini mesülietli tuta. Ukrayına tarafı vaziyetni daa izaatlamadı.
Ukrayına Mudafaa nazirligi Baş istihbarat idaresiniñ yolbaşçısı Kırılo Budanov Rusiye infrastrukturasına ücüm quvetleşe bile, dep tahmin etti, dep bildirdi CNN telekanalı.
Telekanal qayd etkenine köre, Budanov Ukrayınanıñ Rusiyedeki uçucısız ücümlerine alâqası bar olğanını qabul etmeyip, böyle areketler ola bile, dedi.
Rusiyeniñ Ukrayınağa qarşı büyük istilâsınıñ ekinci yılında Rusiye regionları – em sıñırdaki, em Ukrayınadan uzaq regionlar – ateşlerge oğray, yaralanğanlar ve yıqılğan binalar bar.
Regional akimiyet ücümlerni Ukrayına tarafı yapa, dep ayta. Ukrayına Rusiyege qarşı darbelerni resmiy şekilde tanımay. Hususan Rusiyeniñ teren cebe arqasındaki darbeler aqqında aytılğanda.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
