Cuma künü saba uçucısız Rusiyeniñ Tambov vilâyetindeki Miçurin belediye okrugında cermay bazasına ücüm etti. Bu aqta regionnıñ valisi Maksim Yegorov bildirdi.
«Neticede bir yerde yanğın çıqtı», – dep qoştı o.
Onıñ aytqanına köre, yanğın söndürildi, onı Rusiye Fevqulâde vaziyetler nazirliginiñ regional idare quvetleri ve cermay bazasınıñ yanğın qaravulı söndürdi, 11 yanğın bölügi celp etildi.
İyünniñ 20-nde uçucısız Tambol vilâyetindeki Platonov cermay bazasına ücüm etti, neticede rezervuarlardan biri yanıp başladı.
Rusiye Mudafaa nazirligi beş regionda urıp tüşürilgen 25 uçucısız aqqında esabat berdi: 12 dron Brânsk vilâyetinde, doquz dron Smolensk vilâyetinde, eki dron Kursk vilâyetinde ve birer dron Voronej ve Rostov vilâyetlerinde tüşürildi. Rusiye akimiyetiniñ malümatı mustaqil menbalarda tasdıqlanmalı.
Berilgen malümatqa köre, kamikadze uçucısızları gece Rusiyeniñ Tver vilâyetindeki himik zavodqa eki kere ücüm etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
