Oktâbrniñ 12-nde saba Rusiye uquq qoruyıcıları tutqan qırımtatarı Lutfiye Veliyeva FSB binasından yiberildi, dep bildirdi «Qırım birdemligi» cemaat birleşmesi Qırım.Aqiqatqa.
Faallerniñ haberine köre, Veliyeva babasınen beraber FSB binasından çıqtı. Şimdilik tafsilâtlı bir malümat yoq.
Oktâbrniñ 12-nde saba Rusiye uquq qoruyıcıları Aqmescit rayonınıñ Terek Eli (Trehprudnoye) köyünde yaşağan 21 yaşında qırımtatarı Lutfiye Veliyevanı tuttı.
Advokat Edem Semedlâyevniñ bildirgenine köre, saba qorantanı üç mikroavtobusnen kelgen avtomatlı OMON hadimleri uyandırdı. Qıznıñ bir şeyi alınmadı, amma cep telefonını qıdırğanlar. Tintüv vaqtında tapamağanlar.
Advokatnıñ tarif etkenine köre, evlerinde daa evel de tintüv keçirilgen edi, amma Ekstremizm ile küreş merkeziniñ Rusiye polis hadimleri keçirgen edi.
Aq qorçalayıcılarnıñ malümatına köre, Qırımda 186 siyasiy taqip qurbanından 110-u qırımtatarı ola, Rusiye uquq qoruyıcıları keçirgen tintüvlerniñ 75%-ı qırımtatarlarnıñ evlerinde ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
