Washington, "Yehova şaatları" devamcılarına qarşı işkence yapqanlarında qabaatlanğan Rusiye Tahqiqat Komitetiniñ eki hadimine qarşı sanktsiya kirsetkeninden soñ, Moskova, AQŞ vatandaşlarına Rusiyege kirişni sıñırlağan cedvellerni keñleştirmege söz bere.
Bunı sentâbr 11-inde Rusiye Tış İşler naziriniñ muavini Sergey Râbkov, "TASS" Rusiye devlet haber agentligine ayttı, dep haber ete Radio Svoboda.
"Biz, ebet, böylece Amerika vatandaşlarınıñ bizge kirmesiniñ sıñırlayıcı cedvellerini keñleştirecekmiz. Bunı açıqtan-açıq aytamız", - dedi o.
Râbkov qoştı ki, AQŞ "böyle cedvelleriniñ keñleştirmesiniñ ayıp praktikasından" vazgeçse, Rusiye de vazgeçir.
Amerika Qoşma Ştatları, Rusiye Tahqiqat Komitetiniñ eki hadimini Surgut şeerinde (Rusiye) "Yehova şaatları" diniy teşkilâtınıñ devamcılarna qarşı işkence yapmaqta qabaatlap, olarğa qarşı şahsiy sanktsiya kirsetti.
