Rusiyeniñ umumiy yurisdiktsiya Dörtünci temyiz mahkemesi vatandaş jurnalisti ve uquq qoruyıcısı İrına Danılovıçnıñ ükmüne şikâyetni red etti. Bu aqta "Qırım esnası" uquq qoruyıcı teşkilâtı yaza.
Qayd etilgenine köre, mahkemeci İvan Gromov iştirak etken kollegiya, aşağıdaki mahkemelerniñ qırımlı qadınnı qanuniy statussız ve advokat yardımı olmadan azbarda tutqanına, em de şaatnıñ sorğusı qısmında davanıñ sahteleştirilmesine uquqiy qıymet kesmegenine qanunnı bozğanını körmedi.
"15 qorçalav şaatınıñ sorğusı ve delillerniñ baqılmasını red etüvinen bağlı mudafaa aqqınıñ bozuluvı da, kassatsiya instantsiyası kollegiyasında körünmedi. Qırım Yuqarı mahkemesiniñ qararına binaen, İrına Danılovıç 6 yıl ve 11 ayğa apis cezasına mahküm etildi", — dep yazıla bildirmede.
Danılovıçnoñ özü temyiz şikâyetniñ baqılmasında iştirak etmedi, çünki qulaq hastalığınıñ tedaviylenilmegeni sebebinden devamlı ağrı çeke.
Aprelniñ 29-nda, İrına Danılovıç tutuluvınıñ yılında, «Sıñırsız reportörlar» halqara aq qorçalayıcı teşkilâtı onı acele azat etmege çağırdı. «İrına Danılovıç, serbest jurnalist, Qırımda işğalci küçler tarafından hırsızlanğanından 2 yıl keçti. O vaqıttan berli onı Rusiye apishanelerinde tutalar, ve sağlığı fenalaşa», dep qayd etti aq qorçalayıcılar.
Ukrayına Yuqarı Radası Rusiye Federatsiyasında tutulğan ukrayınalı jurnalistler, hususan Qırım.Aqiqatnıñ (Azatlıq Radiosınıñ leyhası) serbest hadimi Vladislav Yesıpenko ve qırımlı vatandaş jurnalisti İrına Danılovıçnı azat etip qaytaruv qararını qabul etti.
Danılovıç emşire olıp çalışa ve içtimaiy ağlarda saifesinde yaza edi, işğal etilgen yarımadada tibbiy saada çalışqanlarnıñ aqlarına ve sağlıq problemlerine bağışlanğan blog azırlay edi, Qırım.Aqiqatnen ekspert olaraq işbirligi yaptı.
Onı Rusiye Ceza Qanunnamesiniñ 222.1 maddesiniñ 1-inci qısmına istinaden patlayıcı madde ya da patlayıcı cihazlarnen qanunsız areketlerden şübheli sayğanlar – Rusiye FSBsi jurnalistni tibbiy inelernen patlayıcı cihaz yapqanında qabaatladı.
Neticede Qırımdaki Rusiye mahkemesi vatandaş jurnalistini yedi yılğa azatlıqtan marum etti.
Rusiye kontrolindeki Qırım Yuqarı mahkemesi vatandaş jurnalisti İrına Danılovıçnıñ ükmüne qarşı istinaf şikâyetini iyünniñ 15-ne belgiledi.
Qırım Muhtar Cumhuriyetiniñ prokuraturası İrına Danılovıçnıñ evinde keçirilgen qanunsız tintüv ve tutulmasınen bağlı cinaiy tahqiqat başlattı. Ukrayına cemaat teşkilâtları ise vatandaş jurnalistini azat etmege talap etti.
Alman yazıcısı Nina George Rusiye mahküm etken qırımlı vatandaş jurnalisti İrına Danılovıçke mektüpnen muracaat etti. Mektüp PEN Intenational teşkilâtı er yıl keçirgen apisteki yazıcılarğa qoltutuv kampaniyası içün yazıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
