Saq şeerinde quvetçiler, qızı Rusiye arbiylerini dersiñ aqaretlegen video yayınlağanı içün qadınğa qarşı memuriy protokol tizdi. Bu aqta Rusiye İç işler nazirliginiñ telegram kanalında aytıla.
Qayd etilgenine köre, bu qız şeer mekteplerinden biriniñ 10 yaşlı talebesidir.
"Qadınğa nisbeten, çağına yetmegen balalarnı terbiye etüv ve olarnıñ baqıluvına dair mecburiyetlerini yerine ketirmeme aqqında madde boyunca memuriy protokol tizildi. Politsiya hadimleri tarafından toplanğan bütün malümatlar Saq şeeriniñ çağına yetmegenlerniñ işleri boyunca memuriy komissiyasına baqılması içün berilecek", — dep aytıla haberde.
Qadınnıñ açıq izaatları yoq.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını "areketsizleştirgenleri" içün yaqalana ve memuriy ve cinaiy mesüliyetke çekile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
