Litvaniya baş naziri Ingrida Şimonite aprelniñ 5-nde Vilnüste ukrayin zenaatdaşı Denıs Şmiğal ile keçken matbuat konferentsiyasında "Rusiye tek quvet tilini añlay" dep bildirdi ve demokratik memleketlerniñ ğarbiy ittifaqdaşlarını cenk meydanında duşmanğa qarşı tez vaqıtta ğalebe qazanmaq içün kerekli silânı bermege çağırdı.
O şunı da bildirdi ki, Litvaniya Ukrayina Silâlı quvetleri içün Litvaniya istisal etken FPV-pilotsız uçaqlarnı satın alacaq.
"Litvaniya yaqında Mudafaa nazirligi vastasınen tahminen 2 million yevroğa üç biñ Litvaniya FPV pilotsız uçaqlarını satın alacaq, olar, ümüt etem ki, bu sene cebege kelecekler", – dep qayd etti Şimonite.
Bundan ğayrı, memleket yaralanğan ukrayin arbiyleriniñ reabilitatsiyası içün 15 million yevro ayıracaq.
Öz nevbetinde Denis Şmıgal Litvaniyağa Rusiye ve Belarus agroproduktsiyasınıñ Avropa Birligine ihracatını blok etüvinen bağlı açıq-aydın mevamı ve sanktsiyalar siyasetinde liderligi içün teşekkür bildirdi.
"Bugün yañı teşebbüs teklif etildi – Rusiye Federatsiyası ve Belarusqa ava tranzitiniñ yasağı. Bu teşebbüs istilâcınıñ iqtisadiy imkânlarınıñ sıñırlamasını ve duşmanğa qarşı sanktsiyalar basqısınıñ quvetleştirmesini köz ögümnde tuta", – dep qayd etti Şmığal.
Bugün Ukrayina baş naziri resmiy ziyaretnen Letıniyanı ziyaret etti. Memleket baş naziri Evika Silina, Ukrayinağa umumiy fiyatı million yevro olğan dronlarnı yollamağa planlaştırğanını bildirdi. Şmigal Estoniya prezidenti ile Ukrayina ile beraberlikte mudafaa müessiseleriniñ teşkil etilmesini de muzakere etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
