Ukrayina ve Kanadanıñ reisligi altında Ukrayina balalarınıñ qaytarıluvı boyunca halqara koalitsiya 30-dan ziyade memleketni birleştirdi, dep bildirdi Ukrayina prezidenti Ofisiniñ yolbaşçısı Andriy Yermak.
"Ukrayina ve Kanada yolbaşçılığında Ukrayina balalarınıñ qaytarıluvı içün halqara koalitsiya 33 memleketni birleştirdi", - dedi o.
Yermak Kanada tış işler naziri Melanie Joliege teşebbüs içün teşekkür bildirdi ve birleşme Bring Kids Back UA teşebbüsiniñ ğayretlerine qol tutacağına işanç bildirdi.
"Bizim balalarımız evde olmalı", - dep qoştı o.
Ukrayina ve Kanada 2024 senesi fevral ayında Halqara koalitsiyanıñ umumiy çerçivesini azırladılar.
Ukrayinanıñ malümatına köre, cenk vaqtında Rusiyede ve işğal etilgen topraqlarda 20 biñden ziyade ukrayin balası qaldı.
Martnıñ 17-nde Gaagadaki Halqara cinaiy mahkemesi Rusiye Federatsiyasınıñ prezidenti Vladimir Putinge ve Rusiye Federatsiyasınıñ prezidenti yanında bala aqları vekâletlisi Mariya Lvova-Belovağa tevqif orderi berdi. Bu qarar, Ukrayina balalarınıñ qanunsız sürgünligi içün ihtimal etilgen arbiy cinayet içün mesüliyetke çekilüvi sebebinden qabul etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
