Koloniya Qırımdan bir buçuq biñ kilometr uzaqta yerleşe. Siyasiy mabüsniñ ömür arqadaşı Mümine Saliyeva, aqayınen beraber üç kün keçirgenini tarif etti. Oña aile işğal etilgen yarımadadan eki künlik yolnen kelgen.
Qırımtatar aman-aman yedi yıldan berli apiste buluna. Saliyev 2022 senesiniñ küzünden berli Plavsk koloniyasında tutula. Saliyevniñ qadını, o sağlığından şikâyet etmey, dep ayta, amma apiste bulunması onıñ bedeniy ve ruhiy alına tesir etti.
"O, içini raatsızlağan şeyler aqqında iç bir vaqıt aytmay. Tek körgenim terisiniñ renki edi. O, azatlıqta yaşağan insandan farqlı. Boz körüne ve D vitamini eksikligi körüne. Ve tişleri bozula", - dep añlattı siyasiy mabüsniñ apayı.
Apiske alınğanına qadar Saliyev ekskursiyalar keçire edi. Tasili - türk ve qırımtatar tilleriniñ filologıdır. Saliyev "Qırım birdemliginiñ" vatandaş jurnalisti olıp, Rusiyeniñ qırımtatarlarğa qarşı repressiyalarını aydınlattı.
2017 senesi oktâbr ayında Rusiye quvetçileri Bağçasaraynıñ altı sakinini yaqaladı. Bular Timur İbragimov, Marlen Asanov, Memet Belâlov, Seyran Saliyev, Server Zekiriyev ve Ernes Ametov.
ФСБ России инкриминировала им участие в запрещенной в России и аннексированном ею Крыму организации «Хизб ут-Тахрир».
Rusiyeniñ Rostov-na-Donu şeerindeki Cenübiy okrugınıñ arbiy mahkemesi 2020 senesi sentâbr ayında Bağçasaraydaki ekinci "Hizb ut-Tahrir davası" boyunca üküm çıqardı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
