"Alim ve Seyran Novoçerkassk SİZO-sından çıqarıldı, amma ne yerde bulunğanları ve ne yerge etap etilgenleri belli degil", —dep, Seyran Hayredinnovnıñ ömür arqadaşı Zarema bildirdi.
Aynı zamanda, dekabrniñ 9-nda kör qırımlı Aleksandr Sizikovnıñ etap etilmesi aqqında belli oldı. Anası Yelena Sizikovanıñ aytqanına köre, onı Aqmescitniñ 1-nci SİZO-dan Krasnodarğa alıp kettkenler, andan soñra apishanege alıp ketecek ekenler.
2020 senesi iyülniñ 7-nde Rusiye quvetçileri yedi qırımtatarınıñ evini tintti: Emil Ziyadinov, Zekirya Muratov, İsmet İbragimov, Alim Sufyanov, Seyran Hayredinov, Vadim Bektemirov mahkemede apiske alındı ve Aqmescitniñ ceza izolâtorına qapatıldı. I derece köz saqatı olğan Aleksandr Sizikov ev hapsine yollanıldı. Tutulğanlar Rusiyede yasaqlanğan «Hizb ut-Tahrir» diniy teşkilâtınen alâqaları bar olğanında qabaatlandı.
2023 senesi mayıs ayında Sizikov ilk dört yılnı apishanede keçirecek 17 yılğa üküm etildi. 2024 senesi sentâbrniñ 13-nde Rusiye Federatsiyasınıñ istinaf arbiy mahkemesi qırımlınıñ ükmüni deñiştirmedi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
