"Er birimizniñ evimiz bar, ve men şübesiz, vicdan mabüsi, cenk esiri, oña qaytacaq!" — dedi Ziza.
O, iyünniñ 28-nde Qırımtatar Milliy Meclisi reisiniñ birinci muavini Nariman Celâlnıñ azat etilmesi ile bağlı deñişüvni "işanılmaz haber" dep adlandırdı.
"Cezahanedeki er bir insan bu qaytma anını tüşüne, başından onlarca variantnı keçire ve ev ve tuvğanları aqqında tüşünip, tebessüm ile uyquğa kete. Bazılarımız içün bu vaqianıñ yüz bergenine ne qadar quvanam! Bu arzu soñunda kerçekleşti. Bunı mümkün etken acayip insanlarğa teşekkürlerimni bildirem!", — dedi Ziza.
O şunı da qoştı ki, "çoqusı içün evniñ adiy añlamı şimdi irişilemez".
"Amma menimce, kerçek ev — bu, ilk evelâ, sizni körmek ve quçaqlamaq istegen yer. Er birimizniñ evi şimdi bizim qaytmamıznı beklegen ve bunı yapmaq içün elinden kelgenini yapqanlarnıñ yüreklerinde. Niayet birleşken er bir böyle yürekniñ bahtına quvanam! Ve alâ daa ayırılıp qalğanlarğa da aynı şeyni tileyim", — dep yekünledi Ziza.
İyün 28-de Rusiye esirliginden on Ukrayina vatandaşı qaytarıldı, olarnıñ arasında — Qırımtatar Milliy Meclisi reisiniñ muavini Nariman Celâl bar. Bugünde-bugün ukrain siyasiy mabüsleriniñ sayısı 217 adamnı teşkil ete, olarnıñ 60% - qırımtatarlar, dep bildirdi Ukrayina prezidentiniñ QMC-deki vekâletli temsilcisi Tamıla Taşeva.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
