"Olarnıñ (Şimaliy Koreya arbiyleriniñ - QA) zararları çoq. Ve biz köremiz ki, Rusiye arbiyleri ve Şimaliy Koreya nezaretçileri bu koreylerniñ sağ qalması ile iç meraqlanmaylar, böyle faktlar bar. Ve ücümlerge rusiyeliler olarnı eñ az qoruvı olsun dep yollaylar", — dep ayttı o video muracaatında.
Zelenskıynıñ aytqanına köre, ukrayin arbiyleri Şimaliy Koreyadan bir qaç askerni esir aldı, amma olar ağır yaralandı ve olarnı ğayrıdan canlandırıp olamadılar.
"Bu, diktatorlıqlarnıñ yapıp olğan deliliklerinden biridir. Korey halqı öz adamlarını Avropadaki uruşlarda ğayıp etmemeli. Ve buña, hususan, Koreyanıñ qomşuları, hususan Qıtay tesir ete bile. Eger de Qıtay cenkniñ kenişletilmemesi aqqında samimiy olsa, Phenyanğa nisbeten tesiri kerek", — dep qoştı Zelenskıy.
Dekabrniñ 27-nde Cenübiy Koreyanıñ istihbarat hızmeti bildirdi ki, ukrayin arbiyleri tarafından esir alınğan Şimaliy Koreya askeri alğan yaralanmalardan vefat etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
