Link açıqlığı

Saatnıñ esas haberi

Rusiye tahqiqatı zapt etilgen ukrain deñizcilerniñ tevqifini iyülniñ soñunace uzatacaq ola - advokat


Zapt etilgen ukrain deñizciler mahkeme oturışında
Zapt etilgen ukrain deñizciler mahkeme oturışında

Rusiye tahqiqatı, Qırım yalısı yanında zapt etilgen deñizcilerniñ tevqifini 2019 senesi iyül 29-ına qadar uzatmağa şefaat ete. Bu aqta Rusiye advokatı Sergey Badamşin Facebookta haber etti.

Bundan ğayrı, advokatnıñ aytqanına köre, Rusiye tahqiqatı, ukrain deñizcilerniñ davası boyunca azırlıq tahqiqatınıñ müddetini üç ayğa, yani avgustnıñ 25-inece uzattı.

Sıñırlayıcı tedbirlerniñ uzatılması boyunca mahkeme oturışı aprelniñ 17-sinde keçirilecek.

2018 senesi noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG