"Bugün, mayısnıñ 5-nde, saat 10:35 "Donbasenergo" Slavânsk İssilik stantsiyası ateşke oğradı. Atış neticesinde stantsiya territoriyasında bir sıra obyekt zarar kördi", — dep qayd etti o.
Proskuninniñ aytqanına köre, "rusiyeliler TES-ke "Smerç" ve bir "fugasa" raketasından yapılğan dört kasset raketa ile ücüm ettiler, zarar körgenler olmadı".
Rusiye mart ayında Ukrayinağa bir sıra raketa ücümini yaptı, şu cümleden, martnıñ 22-nde soñki vaqıtları ukrayin energetikasına eñ büyük ücüm. O vaqıt RF Zaporojjâ şeerindeki Dneiro GES Ukrayina eñ büyük GES-ine darbe endirdi. "Ukrgidroenergo" şirketinde ciddiy zararlar aqqında bildireler. Soñra Rusiye ücümleriniñ maqsadı Kanev ve Dnestr GES-leri oldı.
Ukrayina Energetika nazirliginiñ malümatına köre, aprelniñ 11-nde Rusiye quvetçileri Harkiv, Zaporojjâ, Lviv, Kıyiv vilâyetlerinde elektrik energiyasınıñ öndürüvi obyektlerine ücüm etti. Rusiye ücüminiñ neticesinde Kıyivden 20 kilometr uzaqlığında yerleşken Tripol İssilik stantsiyası bütünley yoq etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
