İşğal etilgen Qırımda 2014 senesinden başlap qadınlar taqip etilgen 26 cinaiy dava qayd etildi. Bu aqta Qırımtatar resurs merkezi haber ete.
«İşğal vaqtında qadınlarnı cinaiy taqipniñ eñ azdan 26 davası qayd etildi», – dep aytıla haberde.
Qayd etilgenine köre, beş qadın, hususan Rusiye apishanesinde insult keçirgen ve sol qulağı sağırlaşqan Qırım.Aqiqat müellifi İrına Danılovıç koloniyalarda buluna. SİZOda dört qadın buluna, daa dört qadınnıñ sıñırlavları ya da sınav müddeti bar.
«2014 senesi Rusiye Qırımnı işğal etken soñ yüzlernen faal vatandaş fikirleri sebebinden repressiyalarğa oğradı. Başta tek erkekler edi. Lâkin Rusiye akimiyeti toqtamadı ve yarımada ealisiniñ qadın qısmını aqlarda sıñırlap başladı. Qırımdaki qadın faallerniñ cinaiy davalarğa köre taqip etilmesi menfiy bir şey oldı. Qadınlar muntazam sürette repressiyalarğa oğray», – dep aytıla haberde.
Qırımtatar resurs merkeziniñ malümatına köre, Rusiye Qırım yarımadasını işğal etkeninden berli 370 siyasiy sebepli cinaiy dava qayd etildi, 228-i qırımtatarlarğa qarşı.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
