Link açıqlığı

Saatnıñ esas haberi

Rusiye SİZOsında qırımlı Prıhodkonıñ sağlığı fenalaştı – qızı


Oleg Prıhodko
Oleg Prıhodko

Terakt azırlağanında ve patlayıcı maddelerni qanunsız yapqanında qabaatlanğan qırımlı Oleg Prıhodkonıñ sağlığı Rusiyeniñ Rostov-na-Donu SİZOsında fenalaştı. Bu aqta qızı Natalya Şvetsova Qırım.Aqiqat Radiosınıñ yayınında bildirdi.

«Zaten yaramay eşite edi. Bir qulağı tek 30% eşite edi. Ekincisi… Tam sağır. Şimdi bir şey eşitmey. Bir aftadan berli yardım köstermediler. İne uralar, antibiotik bereler, amma endi keç. Adam eşitmey. Siydik sisteminen bağlı problemleri bar edi», – dep bildirdi o.

Advokat Nazim Şeyhmambetovnıñ aytqanına köre, eki afta evelsi müvekkiliniñ qulağı ağırıp başladı.

«Pek suvuqlandı. Oleg Arkadyeviç bulunğan SİZO hadimleri oña tibbiy yardım kösterdi, ine urdı, qulaq tamçısını berdi. Müvekkilim aytqanına köre, ağrı yoq, pek az şey qaldı», – dep qoştı advokat.

Nevbetteki mahkeme oturışuvı noyabrniñ 24-ne belgilendi.

Yanvarniñ 16-nda berilgen malümatqa köre, Prıhodkonıñ yañı qabaatı aydınlatıldı – «patlayıcı madde ya da patlayıcı cihaznı qanunsız aluv, berüv, satuv, saqlav ya da taşuv». Prıhodko Lvivdeki Rusiye baş konsullıq binasını patlatmağa tırışqanında da qabaatlana.

Oleg Prıhodko 2019 senesi oktâbrniñ 10-nda tutuldı. Rusiye FSBsi onı terror ücümini azırlağanında ve patlayıcı maddelerni qanunsız yapqanında qabaatladı.

Qırım Muhtar Cumhuriyetiniñ prokuraturası Qırımda faalniñ apiske alınğanı sebebinden Ukraina Ceza kodeksiniñ 146-ncı maddesiniñ 1-inci qısmına istinaden (azatlıqtan qanunsız şekilde marum etüv) cinaiy tahqiqat başlattı.

Advokat Nazim Şeihmambetovnıñ malümatına köre, Prıhodko Aqmescit SİZOsınıñ mahsus blokunda tutula.

Bundan evel Prıhodko memuriy dava boyunca işğal etilgen Qırımda mesüliyetke çekildi.

Kreml kontrolindeki Qırımnıñ Saq rayon mahkemesi iyünniñ 25-nde qırımlığan 2 biñ ruble para cezasını berdi. Mahkeme onı Rusiye memuriy cinayetler kodeksiniñ 20.3 maddesiniñ birinci qısmına istinaden qabaatlı dep tanıdı. Qırım.Aqiqatnıñ elinde olğan mahkeme qararına köre, faalniñ evinde tintüv vaqtında tutıp alınğan eşya ve vesiqalarnıñ «tedqiqatı» «Prıhodko üçünci şahıslarnıñ bu eşya ve vesiqalarğa irişmesi vastasınen natsist timsallerini propaganda etkenini ve köstergenini» işaretlemekteN

Faalniñ özü evindeki bütün timsaller «antika», dava malümatında olğan svastikalı kölmek ise «suvenir» ve 2010 berli onda olmağanını ayttı.

2019 senesi fevralniñ 8-nde Qırımdaki FSB idaresiniñ hadimleri Oleg Prıhodkonıñ evini tintken edi. Quvetçiler ukrain timsalleri, «Svoboda» firqasınıñ bayraqları, qırmızı-qara bayraqlar, Stepan Banderanıñ süretleri, tehnika ve ev CD-disklerini aldı. Tintüvden soñ Prihodkonı Aqmescitke alıp ketkenler, anda faaliyeti ve esas Ukraina ile bağları aqqında sorap sorğuğa çekkenler.

XS
SM
MD
LG