Link açıqlığı

Saatnıñ esas haberi

Rusiye SİZOsınıñ hadimleri maküm etilgen qırımtatarnıñ kamerasını "darma-dağın" etti - advokat


"Hizb ut-Tahrir davası"nıñ iştirakçileri mahkemede
"Hizb ut-Tahrir davası"nıñ iştirakçileri mahkemede

Rostov-na-Donu şeeriniñ №1 SİZOsınıñ hadimleri, 14 yıllıq apis müddetine maküm etilgen Aqmescit "Hizb ut-Tahrir davası"nıñ iştirakçisi Rustem İsmailovnıñ kamerasını darma-dağın etti.

Qırım advokatı Mammet Mambetov Facebookta haber etkeni kibi, o İsmailovnı avgust 21-inde ziyaret etip oldı.

"Müşterimnen körüşüvim erte olacaq edi, amma tek üylege yaqın körüşip oldım. SİZO hadimleri onıñ kamerasını darma-dağın etkenleri buña sebep oldı. Rustem aytqanına köre, bu – soñki eki aftada endi ekinci kere yapıla. İşte, SİZOnıñ yañı başlığı böylece öz qaidelerini pekitmege tırışa. Kamerada er çeyni çevirdiler. Er şeyni sındırdılar. Ne qıdıra ediler – kimse bilmey. Rustem, elbette ki, buña açuvlana, çünki bu – körüşüvimizni qısqarttı", - yazdı Mambetov.

Advokat, müşterisininen apellâtsiya şikâyetini muzakere etkenini qoştı.

Rusiye quvetçilerniñ bunıñ aqqında açıq tefsirleri yoq.

2016 senesi oktâbr 12-de Qırımdaki beş musulman qorantası tintildi. Tintüvlerniñ neticesinde Rusiyede yasaq etilgen «Hizb ut-Tahrir» teşkilâtında iştirak etkenlerinde qabaatlanğan beş qırımtatar: Rustem İsmailov, Uzeir Abdullayev, Teymur Abdullayev, Emil Cemadenov ve Ayder Saledinov yaqalandı.

Devlet qabaatlayıcısı olarnı 11 yıldan 17 yılğa qadar üküm etmege çağırdı. Faqat 17 yıl sert rejimli koloniyada qalmasına üküm etilgen Teymur Abdullayevden ğayrı, er kes prokurornıñ talap etken apis cezalarınıñ ziyadesini aldı. Uzeir Abdullayev 13 yılğa, Emil Cemadenov ve Ayder Saledinov 12 yılğa, Rustem İsmailov ise 14 yılğa azatlıqtan marum etildi.

XS
SM
MD
LG