2022 senesi Qırımda Rusiye ordusına on biñlernen kişi seferber etildi, dep bildirdi Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva «Dron.Media» portalına.
Memurnıñ aytqanına köre, yarımadada seferberliknen bağlı statistik «gizli» ola.
«Biz diger menbalar vastasın taqip etmege tırışamız. Mesele, añlaşma esasında orduğa qoşulğanlarğa berilgen topraq damartılarına baqıp. Cenaze sayısına baqıp. Tam aytmağa zor, amma büyük istilâ vaqtında seferber etilgen on biñlernen insan bar, lâkin episi belli değil», – dedi Taşeva.
Onıñ qayd etkenine köre, 2014 senesinden başlap Qırımda tahminen 40 biñ kişi askerlikke alındı.
«Halqara gumanitar uquqı bozuldı, bu bir cinayet. Çünki işğalci devletniñ bu topraqta yaşağan vatandaşlarnı silâlı quvetlerine almağa aqqı yoq, – Jeneva şartnamesi bozula», – dep ayttı Taşeva.
Qırım.Aqiqat qırımtatarlar Qırımdan kene nasıl quvulğanını, Rusiye qırımtatarlarnı kene evsiz qaldırğanını levhada kösterdi. Film qaramanları ikâyelerini, Rusiye işğal etken Qırımdan nasıl ketkenlerini, ne yaşağanlarını, ne içün qalıp olamağanlarını, şimdi qayda ve nasıl yaşağanlarını ve Qırımğa qaytıp olacaqlarını tarif etti.
Olarnı apiske ala, işkencege oğrata, taqip ete ediler. Rusiye apsine oğramaları mümkün edi. 1944 senesiniñ adiseleri tekrarlana: sovetler akimiyeti qırımtatarlarnı yük vagonlarında çıqarğan edi, şimdi Rusiye tamır halqnı tuvğan evlerini terk etmesine zorlay.
Film premyerası dekabrniñ 10-nda «Suspilne» telekanalınıñ regional ağında oldı. Dekabrniñ 13-nde büyük premyerası Azatlıq Radiosınıñ YouTube kanalında olacaq. Şu künü «Sessiz sürgünlik» Ukrayına milliy telemarafonında kösterilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
