Busarginniñ aytqanına köre, bir qadın yaralandı, onı hastahanege alıp ketkenler. Qalğan yaralanğanlarğa adise yerinde yardım kösterile.
«RİA Novosti» Rusiye devlet agentliginiñ regionnıñ Sağlıq nazirligine esaslanıp bildirgenine köre, Saratovda uçucısızlarnıñ ücümi neticesinde dört kişi yaralandı.
Daa bir uçucısız Engelste (Rusiyeniñ Saratov vilâyeti) ev damına tüşti, parçaları yigirmige yaqın maşinağa zarar ketirdi.
Rusiye Mudafaa nazirligi bir gecede 20 Ukrayina uçucısızı, doquzı Saratov vilâyetinde tüşürildi, dep esabat berdi. Rusiye akimiyetiniñ malümatını mustaqil menbalar tasdıqlap olamay.
Saratov ve Engels şeerleri Edilniñ sağ ve sol taraflarında bir-biriniñ qarşısında yerleşe, Engelsteki ava bazası özenden tahminen 4 kilometr mesafede.
Engelsteki arbiy uçaq alanı uçucısızlarnıñ ücümlerine oğrağan edi. Anda Ukrayinağa qarşı qullanılğan Tu-95 ve Tu-22 ağır bombardıman uçaqları bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
