Martnıñ 2-nde saba Sankt-Peterburgnıñ mesken evinde patlav oldı. Büyük ihtimalnen, oña uçucısız çarptı, dep haber ete «Fontanka».
«Adise» aqqında Sankt-Peterburg valisi Aleksandr Beglov da haber etti. «Ölgenler yoq. Eki evniñ balkon camları qısmen zarar kördi. Zarar körgen dairelerniñ sakinleri tahliye etildi», – dep yazdı Beklov. «Adise» sebebini o aytmadı.
Qurtarıcılar çalışa. Shot Telegram kanalı ve REN-TV telekanalı tahminen yüz insan tahliye etildi, dep bildireler. Telegram kanallarınıñ malümatına köre, uçucısıznıñ nişanı yaqınlardaki «Ruçi» cermay bazası ola bile.
Yanvarniñ 31-nde berilgen malümatqa köre, uçucısız Sankt-Peterburgda «Nevskiy mazut» şirketinde tüşti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
