Sankt-Peterburgda (Rusiye) İsakiyev kilsesi qarşısında Rusiye prezidenti Vladimir Putinniñ süretinen baştaşqa oşağan yazı peyda oldı. Anda onıñ doğğan künü ve yılı yazığan edi, sızıqtan soñ ise 2019 raqamı. Tübünde ise “Rusiye halqına hainlik etti” yazısı.
“Baştaş”nıñ süretini çekken birinci Peterburg jurnalisti David Frenkel edi, amma Twitterinde yazı müellifini bilmegenini bildirdi. Yarım saattan soñ “Agit Rossiya” Rusiye areketi Twitterde, “baştaş”nı onıñ faalcileri yerleştirdi, dep yazdı, bildire Azatlıq Radiosınıñ rus hızmeti.
“Bunen aytacağımız: halqqa qarşı qanunlarnıñ qabul etilmesi, soñsuz yalan ve yaramay ükümdarlığı neticesinde Putin Rusiye vatandaşları içün öldi”, - denile “Agit Rossiya” yazısında.
