Oktâbr 1-inden başlap Rusiyede balkonlarda sigaret içmesi yasaqlana. Bu deñişmeler yanğın qaidelerine kirsetildi. Bunı, rusiye haber agentliklerine atıf etip, Radio Svoboda bildire.
Agetnlikler atıf etken Rusiye Fevqulâde Vaziyetler Nazirliginiñ vesiqasında, kvartiralarnıñ balkon ve loccialarında, yataqhanelerniñ mesken hanelerinde ve musafirhane odalarında açıq ateş qullanması yasaq, dep belgilengen. Adamlarnıñ, şaşlıq qavurmaq ve çıraq yaqmaq aqqı yoq, dep añlata müessise.
Qaide bozması içün üç biñge qadar para cezası berile bile.
FVN-niñ malümatına köre, balkon yanğınlarınıñ 60%-ınıñ sebebi - sigaret içmesidir.
