Rusiye Federatsiyasınıñ Samara vilâyetindeki Sızrande yerli cermay zavodı yana, dep bildire Astra OSINT talilcisi. Neft istisal zavodı üstünde qara duman köterilip tura, dep qayd ete neşir.
Ukrayina nezaret kanalları gece ve saba Sızran neft zavodı yanğanı aqqında haber ete edi, zavod uçaqsuz uçucılar tarafından ücüm etilgenini iddia ete ediler.
Samara vilâyetiniñ akimiyeti dron ücümini bildirmedi. Saba region yolbaşçısı Vâçeslav Fedorışev "pilotsız telükeniñ" lâğu etilüvi aqqında yazdı. Sızranniñ yolbaşçısı Sergey Volodçenkov da vaziyetni izaatlamadı.
"Sızran neft istisal zavodı er yıl tahminen 800 biñ tonna benzin ve 1,5 million tonna dizel yaqıtını işlep çıqara", — dep yaza neşir.
Haber derc etilgende, Ukrayina Silâlı quvetleriniñ Baş ştabında Sızran neft zavodına ücüm aqqında haber etilmegen edi.