Rusiyede Sıktıvkar şeeriniñ hastahanesinde 53 patsiyent koronavirusnen hastalandı, olardan 52-si - bir künde. Bunı Azatlıq Radiosı bildire.
Rusiye matuatı bildire ki, hastahane patsiyetlerini ekimlerden birisi hastalata bildi, onıñ balaları fevralniñ soñunda Avropada oldı. Bu malümatnıñ resmiy tasdıqlavı yoq.
Komi Cumhuriyetiniñ Sağlıq naziri Dmitriy Berezin, hastahanede virus tarqalamaşını ocağı olğanını tasdıqladı ve bugünden başlap anda sert karantin şaraiti olacağını bildirdi.
Belgilengen hastahaneden ğayrı, Komide yalıñız bir COVID-19 adisesi qayd etilgen edi.
Resmiy malümatqa köre, Rusiyede 2 777 adamnıñ koronavirus hastalığı bar. Olardan 25-i öldi, 190 adam yahşı oldı.
