Rusiye sıñırcıları Herson vilâyetiniñ memuriy sıñırındaki «Armânsk» keçiş noqtasında qırımlı aq qorçalayıcı Abdureşid Cepparovnı yiberdi.
Bu aqta advokat Mammet Mambetov Facebook saifesinde yazdı. O, tafsilâtlı malümat bermedi.
Daa evel Mambetov «Armânsk» Rusiye keçiş noqtasında sıñırcılar esas Ukrainağa yol tutqan Cepparovnı tuta, dep bildirdi.
Al-azırda işğal etilgen Qırımnıñ müessiseleri bu malümatnı izaatlamay.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
