O, Rusiyede terroristik gruppirovka olaraq ilân etilgen "Aydar" batalyonında hızmet etkenini iddia ete.
Makeme, terroristik teşkilâtta iştirak etüv ve terrorizmge ögrenüv maddelerine istinaden üküm çıqardı, dep bildire.
Rusiye qabaatlavınıñ versiyasına köre, Çernış 2019 senesi yanvar ayında Lugansk vilâyetiniñ Novopskov qasabasında "Aydar"ğa qoşuldı. Onıñ cenk areketlerinde iştirak etkeni, ne vaqıt ve nasıl şaraitlerde apiske alınğanı aqqında haber etilmey.
Böyleliknen, üküm nasıldır muayyen cinaiy areketler içün degil de, Ukrayina Silâlı quvetleriniñ terkibine kirgen bölükte hızmet etkeniniñ özü içün çıqarıldı.
Bunıñnen beraber, Cenübiy okrug arbiy mahkemesiniñ "Aydar" batalyonını terroristik teşkilât olaraq tanımaq qararı tek 2023 senesi noyabrniñ 22-nde küçüni aldı.
2024 senesi iyül ayında bu makemede "Aydar"da hızmet etkeninde qabaatlanğan 18 ukrainalı esirniñ mahkemesi başlandı. Şimdilik bu bölükke dair eñ büyük cinaiy iş.
Uquq qorçalayıcı teşkilâtlar ve talilcilerniñ qayd etkenine köre, böyle mabüslerniñ qorçalavı pek qıyın: advokatlar bu davalarnı almağa qorqalar, çünki "çetel agenti" statusını ala bileler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
