Rusiyeniñ Krasnodar ülkesinde iyülniñ 6-na keçken gecesi uçucısız uçaqlarnıñ ücüminden eki neft bazası yandı, cep telefonı qullesi zararlandı, dep bildire bölgeniñ operativ ştabı, ücümlerde Ukrayinanı qabaatlap.
Operativ ştabnıñ malümatına köre, eki rayon üzerinde dronlar tüşürildi. Eyskta yıqıntılarnen cep telefonı qullesi zararlandı, Pavlovskaya stantsiyasındaki neft bazasında yaqıt rezervuarı yandı.
"Pilotsuz uçaqnıñ ücümi neticesinde" Leningradskaya stantsiyasındaki neft bazasında yaйше yandı.
İlk malümatqa köre, yaralanğanlar yoq.
Rusiye Mudafaa nazirligi Krasnodar ülkesinde dronlarnıñ yoq etilüvi aqqında haber etmey. Müessiseniñ malümatına köre, bu gece yedi uçucısız uçaq Kursk vilâyetinde ve bir uçaq Belgorod vilâyetinde tüşürildi. Rusiye Federatsiyasınıñ Krasnodar ülkesiniñ akimiyeti ücümler ve olarnıñ aqibetleri aqqında daa yazmadı.
Rusiyeniñ Ukraнinağa tam miqyaslı istilâsı başlağan soñ, Rusiye regionları muntazam sürette ateşke ve uçucısız uçaqlarnıñ ücümlerine oğray. Rusiye Mudafaa nazirligi ukrain ücümleriniñ "kesilgeni" aqqında esabat berip, Rusiye territoriyasında tüşürilgen raketalar ve dronlar aqqında bildire. Zarar ve qurbanlar bar. Çoqusı allarda Kшyiv bu haberlerge izaat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
