Fevralniñ 1-nde Donetsk vilâyetindeki Kramatorsk şeeriniñ merkezinde raketa ücümi neticesinde çoq qatlı bina berbat etildi. Bunı vilâyetniñ arbiy memuriyetiniñ yolbaşçısı Pavelo Kırılenko haber etti.
Onıñ sözlerine köre, eñ az üç adam elâk olğan ve daa yigirmi yaralanğan. Aynı zamanda dağıntılar altında da adamlar bardır.
Donetsk vilâyetiniñ polisi haber etkeni kibi, "Rusiye ordusı mesken maallesine "İskander-K"raketası ile urğanlar, eñ az sekiz çoq qatlı ev zarar körgen".
Ukrayina prezidenti Volodımır Zelenskıy Rusiyeniñ kramatoskqa ücümine cevap berdi.
"Suçlularnıñ episini taparmız ve cezalarmız. Meramet olarğa yoq", - dedi devlet başı.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
