Link açıqlığı

Saatnıñ esas haberi

Rusiye raketa ücüminden soñ Qara deñizde gemi sayısını arttırdı – Ukrayına arbiyleri


Raketa
Raketa

Qara deñizde aprelniñ 28-nde 13 Rusiye gemisi nevbetçilik yapa, üç danesi umumen 24 raketalı «Kalibr» qanatlı raketa taşıyıcısı ola. Bu aqta Ukrayına Silâlı quvetleriniñ Arbiy-deñiz quvetleri bildirdi.

«Azaq deñizinde 1 duşman gemisi buluna; Aqdeñizde – 4 duşman gemisi, 1 danesi «Kalibr» qanatlı raketa taşıyıcısı, umumen 16 raketa ola bile», – dep aytıla haberde.

Ukrayına Arbiy deñiz quvetleri Qara deñizde yedi Rusiye gemisi aqqında bildirdi, üçü «Kalibr» taşıyıcısıdır.

Cenüp mudafaa quvetleriniñ Birleşken koordinatsion matbuat merkeziniñ reberi Natalâ Ğumenük aprelniñ 18-nde Rusiye arbiyleriniñ «Kalibrleri» «kritik seviyede», şunıñ içün qullanılmasınıñ ihtimali pek az.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Aprelniñ 28-nde saba erte Rusiye ordusı Ukrayınağa ücüm etti. Çerkası vilâyetiniñ Uman şeerinde raketa doquz qatlı binağa ücüm etti. Neticede 17 insan elâk oldı. Adise yerinden kelgen videolarğa köre, evde eñ az bir kiriş yıqıldı.

Dnipro şeerinde raketalar mustaqil evge ücüm etti. Eki insan elâk oldı – eki yaşında qızçıq ve 31 yaşında qadın. Üç kişi yaralandı, dep haber ete Dnipropetrovsk vilâyetiniñ arbiy memuriyeti.

Ukrayına Silâlı quvetleriniñ malümatına köre, ava mudafaa quvetleri 23 qanatlı raketadan 21-sini ve eki dronnı yoq etti.

Ukrayına Tış işler nazirligi Dmıtro Kuleba ücümlerden soñ ğarbiy ortaqlarını Kyivge F-16 zemaneviy uçaqlarını bermesine çağırdı.

Ukrayına prezidenti Volodımır Zelenskıy qayd etkenine köre, «Rusiye terrorı» Ukrayına ve dünyadan adaletli bir cevap almaq kerek ve alacaq.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG