İyünniñ 21-nden 27-ne qadar Rusiye ordusı Ukrayınağa qarşı raketa darbeleriniñ ve dron darbeleriniñ sayısını arttırdı, dep aytıla Ukrayına Mudafaa nazirliginiñ haberinde.
Ukrayına arbiyleriniñ malümatına köre, Rusiye Federatsiyasınıñ ordusı Ukrayınağa qarşı raketa darbeleriniñ sayısını 1,6 qat arttırdı. Soñki aftada 74 raketa darbesi endirildi, bundan evel – 46 darbe endirildi, dep bildirdi Ukrayına Mudafaa nazirligi.
Arbiyler Ukrayınanı çeşit ava mudafaa sistemaları qoruy, dep hatırlattı, «tüşürilgen er bir raketa ya da dron – onlarnen ve yüzlernen qurtarılğan ayat».
Rusiye ordusı mayıstan başlap raketa ve uçucısızlarnı qullanıp, Ukrayınağa, hususan Kyivge qarşı darbelerni arttırdı.
Amerika cenkni tedqiq etüv institutı (ISW) qayd etkenine köre, Rusiye ordusı bütün Ukrayınağa darbelerni arttırdı, hususan cebe arqası rayonlarda. Bu Ukrayınanıñ qarşı ücüm qabiliyetini eksiltmek içün yapılğan yañı Rusiye ava kampaniyasınıñ bir qısmı ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
