«Ateş neticesinde üç insan elâk oldı – eki erkek ve qadın. Olar tışarıda ediler», – dep aytıla haberde.
Daa eki şeer sakini, müessiseniñ malümatına köre, yaralandı ve hastahanege alındı.
«Açılğan ateş neticesinde mesken evler, satış yerleri, naqliyat zarar kördi», – dep bildirdi Herson vilâyetiniñ prokuraturası.
Rusiye ordusı aman-aman er kün Herson vilâyetiniñ işğalden azat etilgen qısmına ve vilâyet merkezine ateş ete. Delil ve şaatlıqlarğa baqmadan, Moskva büyük istilâ başlağanından vatandaş şahıslarına qarşı ücümni inkâr etti.
Sentâbrniñ 25-nde Rusiye arbiyleri Herson vilâyetiniñ Berıslav şeerine darbe endirdi. Üç kişi elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
