"43 yaşındaki qadın, Telegram mesendjeriniñ subetlerinden birinde, şahsiy esabını qullanıp, milletine köre ruslar dep ayırılğan şahıslar gruppasına qarşı zorbalıq areketlerine çağıruvlarnen bağlı tefsirlerni derc etti", — dep aytıla haberde.
Qadınğa qarşı Rusiye Federatsiyası Ceza kodeksiniñ 280-inci maddesine istinaden (İnternetni qullanıp, ekstremistik faaliyetke açıq çağıruvlar) cinaiy dava açıldı. Oña beş yılğa qadar apis cezası üküm etile bile.
Daa evel ilhaq etilgen Aqyarda Rusiye mahkemesi "ekstremizmge çağıruvlar" içün bir adamnı eki buçuq yıl koloniyada qalmasına üküm etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
