Rusiye quvetçileri uquq qoruyıcı Abdureşit Cepparovnıñ evinde tintüv keçirgen soñ onı yaqalağanlar. Bunı "Qırım birdemligi" cemaat birleşmesi haber etti.
Tuvğanlarınıñ sözlerine köre, quvetçiler saba saat 7-lerde kelgenler, er kesni telefonlarını tutıp alğanlar ve advokatnı çağırmağa fırsat bermegenler
"Tintüv yarım saat evel bitti. Onı alıp kettiler. Advokatnı çağırmağa yetiştirmedik, çünki olar birden telefonlarımıznı tutıp aldılar. Tintüv vaqtında evde apayı ve 14 yaşındaki qızı edi", - dedi Cepparovnıñ soyu.
2022 senesi martnıñ 16-nda işğal etilgen Qırımda Rusiye quvetçileri qırımtatar milliy areketiniñ veteranı ve uquq qoruyıcı Abdureşit Cepparovnıñ evinde tintüv keçirgen edi. Tintüvden soñ Cepparovnı Qarasuvbazar rayon polis bölügine alıp ketken ediler. O zaman Cepparov içtimaiy ağlarda "natsist atributikasınıñ ve timsalleriniñ propagandası" qabaatı ile 15 künge tevqif etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
