Rusiye quvetçileri Kefede Ukrayina destegine graffiti yapqan 15 yaşındaki qıznıñ yaqalanması aqqında bildirdi.
"Qızğa resimlerni yapmaq "koordinator" buyurğan. Olar İnternent vastasınen qonuşa edi. Onıñ sözlerine köre, o yapqan işiniñ foto ve videolarını "koordinatorğa" yollay edi ve bunıñ qarşılığında para ala edi", - dep yazıla bildirmede.
Haber etilgeni kibi, yaqalanğan qız iyülniñ soñunda Primorskoye qasabasında issilik merkeziniñ binasına, baqımsız bir binanıñ divarına ve mesken çoq qatlı binanıñ yanındaki koşukke Ukrayinanı desteklegen areketlerden biriniñ timsalleriniñ resmini yapqan.
Qızğa qarşı RF ceza Qanunnamesiniñ 214 maddesiniñ birinci qısmına (vandallıq) binaen dava açlığan. Qıznıñ adı ve soayda aqqında malümat yoq.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
