Tintüv Bağçasarayda keçirildi. Çubarovnıñ aytqanına köre, Dudakovnıñ evine saba saat dörtlerde kirdiler ve tintüvden soñ onı Aqmescitteki Rusiye FSB-siniñ idaresine alıp kettiler.
Dudakov qırımtatar faali, Qırımtatar halqı Qurultayınıñ Teftiş komissiyasınıñ azası.
Martnıñ 5-nde saba Qırımda qırımtatarlarnıñ evlerinde kütleviy tintüvler keçirildi. Bağçasarayda taqiqat tedbirleri "Qırım birdemliginiñ" faallerinde, Canköy rayonında ise diniy erbaplarda keçirildi. Umumen 10 qırımtatarınıñ evinde tintüvler keçirildi.
Rusiye kontrolindeki Aqmescitniñ Kiyev rayon mahkemesi martnıñ 5-nde keçirilgen tintüvlerden soñ tutulğan 10 qırımtatar faalini ve diniy erbapını apiske aldı. Olar 2024 senesi mayısnıñ 4-ne qadar apiste qalacaq.
Mart ayınıñ başında ''QırımSOS'' teşkilâtı, Rusiyeniñ Ukrainağa büyük istilâsı başlağanından berli Qırımdaki Rusiye mahkemeleri RF ordusınıñ ''ayıplanuvında'' şübeli sayılğan 612 qarar çıqardı, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
