Link açıqlığı

Saatnıñ esas haberi

Rusiye quvetçileri qırımlı Lera Cemilovanı 8 aydan ziyade tuta, onıñ aqqında malümat yoq — anası


Tasviriy resim
Tasviriy resim

FSB hadimleri sekiz ay evelsi Canköy rayonınıñ sakini Lera Cemilovanı yaqaladı, o vaqıttan berli yaqınları 28 yaşında olğan qıznıñ taqdiri aqqında bir şey bilmeyler. Bunı Qırım.Aqiqat mühbirine Irade uquq qorçalayıcı teşebbüsiniñ vekili ğayıp olğan qırımlınıñ anası Lenora Cemilovağa atıf etip bildirdi.

Aq qorçalayıcılarnıñ bildirgenine köre, 2024 senesi mayıs ayında Canköy rayonınıñ Krımka köyünde tintüv keçirildi, bundan soñ Cemilovanı makemege alıp ketkenler ve Rusiye Federatsiyası Memuriy cinayetler kodeksiniñ 6.9 maddesine köre, narkotik qullanuvı içün tibbiy teşkerüvden vazgeçkeni içün 15 künge memuriy apis cezasını bergenler.

Daa soñra, FSB hadimleri Lera Cemilovanıñ qız qardaşını subetke çağırıp, tuvğanlarına onı memuriy tevqif etilgenler içün qabulhaneden qarşılamaq kerekmey, dep ayttılar, çünki ceza çekken soñ qıznı FSB-ge alıp ketecekler. O vaqıttan berli yaqınları onıñ bulunğan yeri ve uquqiy statusı aqqında bir şey bilmeyler.

Qorantada olğanlarnı yalıñız keçken sene işğal etilgen Aqyarğa ekskursiyağa ketkenleri ile bağlaylar, anda olar turist olaraq çoq foto çıqardılar. Lera Cemilovanıñ anası, FSB-niñ köy sakinleri ile meraqlanmasına başqa bir sebep tapalmay. Bunıñnen beraber, Rusiye tarafından teşkil etilgen Qırım FSB idaresinde Cemilovağa qarşı cinaiy işler açılğanını ya da tahqiq etilgenini red eteler. Aynı zamanda Qırım prokuraturası nezaret idaresiniñ kirişmesini talap etken bozuvlarnı körmey.

Irade hatırlattı ki, keçken seneniñ başında FSB hadimleri tarafından evinde keçirilgen tintüvden soñ İsmail Şemşedinov, bundan evel ise Aqyar qurucıları Farhad Soliyev ve onıñ zenaatdaşı Server Aliyev ğayıp oldı. Bundan da ğayrı, keçken sene yazda Yaltada Lüdmila Kolesnikova hırsızlandı, soñra o, bir qaç ay qabaatlavsız ve yaqınlarına haber etmege imkân bermeyip, Aqmescit SİZO-sında tutılğanını bildirdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG