Link açıqlığı

Saatnıñ esas haberi

Rusiye quvetçileri Odesanıñ tarihiy merkezine raketalarnen ücüm etti


Tasviriy resim
Tasviriy resim

Rusiye ordusı Odesanıñ tarihiy merkezine raketalarnen ücüm etti, dep bildirdi vilâyet arbiy memuriyetiniñ yolbaşçısı Oleğ Kiper.

"Rusiye terroristleri Odesanıñ tarihiy merkezine raketalarnen ücüm ettiler. Telüke qalmaqta. Er keske sığınaqtta qalmalarını rica etem", — dep yazdı o Telegram kanalında.

Saat 19:20 Odesa vilâyetinde ava telükesi ilân etildi. Ukrayina Silâlı quvetleriniñ Ava quvetleri cenüpten ballistik silâ qullanuv telükesi aqqında tenbilediler.

Şeerde patlav sesleri eşitildi.

İnternette olğan malümatqa köre, patlav vaqtında şeerniñ merkezinde yerleşken "Bristol" musafirhanesi zarar kördi.

Rusiye arbiyleri çeşit silâlarnen muntazam sürette ukrayin regionlarına ücüm ete.

Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.

Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG