Rusiye quvetçileri qırımlı uquq qoruyıcı Abdureşit Cepparovnıñ evine tintüvnen kelgen. Bunı "Qırım birdemligi" cemaat birleşmesi haber etti.
"Qarasuvbazar şeerinde qırımtatar uquq qoruyıcı Abdureşit Cepparovnıñ evinde tintüv keçirile. Sebepleri belli degil", - dep yazıla bildirmede.
Tintüv sebepleri belli degil.
2022 senesi martnıñ 16-nda işğal etilgen Qırımda Rusiye quvetçileri qırımtatar milliy areketiniñ veteranı ve uquq qoruyıcı Abdureşit Cepparovnıñ evinde tintüv keçirgen edi. Tintüvden soñ Cepparovnı Qarasuvbazar rayon polis bölügine alıp ketken ediler. O zaman Cepparov içtimaiy ağlarda "natsist atributikasınıñ ve timsalleriniñ propagandası" qabaatı ile 15 künge tevqif etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
